Um listamanninn

Sigrún Jónsdóttir, Ásvelli í Fljótshlíð, er fædd árið 1970. Hún er frá Lambey, dóttir hjónanna Jóns "Jónda" Kristinssonar og Ragnhildar Sveinbjarnardóttur og er yngst níu systkina. Eftir grunnskóla hóf hún þriggja ára nám í Menntaskólanum við Hamrahlíð, en lokaárið tók hún í Fjölbrautarskóla Suðurlands 1990. Hún lauk námi úr málaradeild frá Myndlista- og Handíðaskóla Íslands árið 1997. Þriðja námsárið sitt þar nam hún sem skiptinemi við Háskólann í Granada á Spáni. Sigrún lauk B.Ed. gráðu frá Kennaraháskóla Íslands árið 2004 og starfar hún sem kennari við Grunnskólann á Hvolsvelli. Sambýlismaður hennar er Jón Valur Baldursson og eiga þau tvo syni, Matthías, f. 2001 og Elías Pál, f. 2005.

​

Sigrún var valin sveitalistamaður Rangárþings eystra árið 2014 og var það í fyrsta sinn sem sú viðurkenning var veitt.  Sigrún hefur meðal annars haldið námskeið, sett upp sýningar, myndskreytt og gert sviðsmyndir fyrir leiksýningar.